Soláthairtí laistigh den Chomhphobal (ICS)
Ráta nialasach CBL ar sholáthairtí earraí laistigh den chomhphobal
Is é an áit a dtosaíonn an t-iompar an áit a dtarlaíonn soláthar earraí laistigh den Chomhphobal.
Féadfaidh sé go mbeidh feidhm ag an ráta nialasach CBL leis an soláthar earraí laistigh den Chomhphobal má chomhlíontar na coinníollacha seo a leanas:
- tá an custaiméir cláraithe le haghaidh CBL i mBallstát eile
- faigheann tú agus coiníonn tú uimhir clárúcháin CBL an chustaiméara (lena n-áirítear réimír na tíre)
- luann tú d’uimhir CBL agus uimhir CBL do chustaiméara ar an sonrasc díolacháin
- seoltar nó iompraítear na hearraí chuig Ballstát eile
- agus
- tá Tuairisceáin VIES chearta déanta ag an soláthróir.
Mura gcomhlíontar aon cheann de na cúig choinníoll thuasluaite, ní mór duit CBL na hÉireann a ghearradh ag an ráta cuí ar do chustaiméir i leith na n-earraí.
Mura gcomhlíontar leis an riachtanas an tuairisceán VIES ceart a thíolacadh, ní fhéadtar an ráta nialasach a chur i bhfeidhm ar sholáthar na hearraí.
Féadfaidh sé nach bhfuil na Coimisinéirí Ioncaim sásta gur díoladh agus gur soláthraíodh earraí ar leith le duine cláraithe le haghaidh CBL i mBallstát eile. Sna cásanna seo, éiríonn an soláthraí chun bheith faoi dhliteanas agus ní mór dóibh CBL na hÉireann a ghearradh.
Má dheimhnítear ina dhiaidh sin na coinníollacha le haghaidh ráta nialasach:
- beidh an custaiméir i dteideal an CBL a d’íoc siad a aiséileamh
- agus
- féadfaidh an soláthraí coigeartú a dhéanamh ina dtuairisceán CBL don tréimhse.
Ar aghaidh: Céard is triantánú ann?