Soláthairtí laistigh den Chomhphobal (ICS)
Soláthar modhanna iompair nua laistigh den Chomhphobal
Meastar gur soláthar laistigh den Chomhphobal (ICS) é modh iompair nua a sholáthar d'aon duine i mBallstát eile. Baineann an téarma 'modh iompair nua' le mótarfheithiclí, báid nó aerárthaí. Ní mór don chustaiméir a fhaigheann an modh iompair nua Cáin Bhreisluacha (CBL) a íoc i mBallstát áit an tsroichte.
Áiríonn sé seo díol modha iompair nua do dhuine príobháideach i mBallstát eile. I gcúinsí den chineál seo, is i mBallstát áit an tsroichte a íoctar CBL faoi dheoidh.
Sa chás, áfach, go mbailíonn an custaiméir an modh iompair nua sa Stát sin, ba chóir don déileálaí CBL a ghearradh. Nuair a shásaíonn an custaiméir don déileálaí gur íocadh CBL ina mBallstát féin, ba chóir don déileálaí an CBL a gearradh a aisíoc leis an gcustaiméir. Féadfaidh an déileálaí ansin an dliteanas CBL a choigeartú dá réir sa tuairisceán CBL don tréimhse sin.
Ba chóir don déileálaí an cruthúnas doiciméadach uile a choinneáil, amhail:
- cóip den admháil a thaispeánann íocaíocht CBL sa Bhallstát eile i dtaca leis an modh iompair nua bainteach
- agus
- cruthúnas ar chlárúchán an modha iompair nua sa Bhallstát eile.
Leagtar amach sa tábla seo a leanas céard a mheastar a bheith ina mhodh iompair nua chun críocha CBL:
Modh iompair nua chun críocha CBL
|
Iompar
|
Sonraíocht
|
'Nua'
|
|
Mótarfheithiclí
|
Os cionn 48cc nó os cionn 7.2kw cumhachta
|
6 mhí d'aois nó níos lú, nó 6,000km nó níos lú taistealta
|
|
Soitheach mara
|
Os cionn 7.5mhéadar ar fhad
|
3 mhí d'aois nó níos lú, nó 100 uair a chloig nó níos lú seolta
|
|
Aerárthach
|
Meáchan éirithe os cionn 1,550kg
|
3 mhí d'aois nó níos lú, nó a eitlíodh ar feadh 40 uair a chloig nó níos lú
|