Do thaifid a choinneáil roimh 01 Eanáir 2019
Léargas ginearálta
Tabhair do d’aire
Baineann an t-eolas ar an leathanach seo le do dhualgais roimh 01 Eanáir 2019. Le heolas a fháil ar do riachtanais reatha, féach ar Dualgais fostóra ó 01 Eanáir 2019.
Is gá d’asbhaintí Íoc Mar A Thuillir (ÍMAT), Árachas Sóisialach Pá-Choibhneasa (ÁSPC), Muirear Sóisialta Uilíoch (MSU) agus Cáin Maoine Áitiúil (CMÁ) a thaifeadadh. Féadtar aon cheann díobh seo a úsáid:
- córas ríomhairithe
- córas taifead arna dhearadh agat féin
- seirbhísí cuideachta párolla
- Cárta Leictreonach Asbhaintí Cánach
- cárta párolla MSU
- cárta párolla CMÁ.
Is tusa atá freagrach as cinntiú go bhfuil an dlí cánach á chomhlíonadh ina iomláine ag an gcóras atá in úsáid, is cuma cé acu ceann díobh seo atá tú ag úsáid:
- bogearraí párolla
- comhlacht párolla
- gníomhaireacht eile.
Féadfaidh na Coimisinéirí Ioncaim do thaifid a sheiceáil aon uair lena chinntiú go bhfuil na méideanna ceart á asbhaint agat. Féach ar Cód Cleachtais um Idirghabhálacha Comhlíontachta na gCoimisinéirí Ioncaim chun tuilleadh eolais a fháil.
Ní mór duit na taifid ar fad a choinneáil ar feadh sé bliana tar éis na bliana cánach dá dtagraíonn siad. Ní mór duit, chomh maith, iad a chur ar fáil lena scrúdú nuair a iarrtar iad.
Earráidí a tháinig chun solais i rith na bliana
Féadfaidh sé gur thug tú faoi deara i gcaitheamh na bliana go ndearna tú botún i mbabhta párolla roimhe. Ní mór é seo a cheartú sa tseachtain nó sa mhí inar thángthas ar an mbotún. Ní mór gan na hiontrálacha bunaidh a athrú. Ba chóir duit nóta a chur leo sin chun a thabhairt le fios go bhfuil an botún ceartaithe sa tseachtain (nó sa mhí) ina dhiaidh sin.
Gann-asbhaintí móra
Ní cóir duit gann-asbhaint cánach nó MSU a bhailiú sa chás go gcothóidh sé ccruatan don fhostaí. Ba chóir duit teagmháil a dhéanamh linn chun treoracha a fháil.
Ar aghaidh: Deimhnithe Creidmheasanna Cánach (Deimhnithe P2C)