Cáin Mhaoine Áitiúil - céard is gá duit a dhéanamh le haghaidh 2025

Léargas ginearálta

Is é an dáta dlite na Cánach Maoine Áitiúla (CMÁ) gach bliain ná an 1 Samhain. Ciallaíonn sé seo go mbeidh do mhaoin faoi dhliteanas CMÁ le haghaidh 2025 más maoin chónaithe í ar an 1 Samhain 2024.

Is gá duit an muirear CMÁ do 2025 a íoc más tú an duine dliteanach le haghaidh CMÁ amhail an 1 Samhain 2024. Is tú an duine dliteanach fós má dhíolann nó má aistríonn tú do mhaoin idir an 1 Samhain 2024 agus an 31 Deireadh Fómhair 2025.

Chun a sheiceáil an bhfuil tú féin agus do mhaoin faoi dhliteanas CMÁ, féach Dliteanas le haghaidh na Cánach Maoine Áitiúla (CMÁ).

Tá do mhuirear CMÁ bunaithe ar do luacháil maoine amhail an 1 Samhain 2021. Cinnfidh do luacháil ar do mhaoin ar an dáta seo do mhuirear CMÁ le haghaidh gach bliain suas go dtí 2025. Baineann sé seo le maoine nua-thógtha nó athchóirithe atá do-áitrithe ar an 1 Samhain 2021, ach atá feiliúnach le húsáid mar áit chónaithe ar an 1 Samhain 2024.

Braithfidh an méid atá le déanamh agat do 2025 ar an méid seo a leanas:

• an raibh do mhaoin faoi dhliteanas CMÁ in 2024
• nó
• ar tháinig do mhaoin de bheith faoi dhliteanas CMÁ den chéad uair in 2025.

Tabhair do d'aire

Féadfaidh sé go mbeidh do mhaoin faoi dhliteanas CMÁ den chéad uair in 2025. Más amhalaidh an cás, ba chóir duit do mhaoin a luacháil agus do Thuairisceán CMÁ a thíolacadh faoin 2 Nollaig 2024. Mura bhfuil do thuairisceán tíolactha agat go fóill, ba chóir duit é sin a dhéanamh láithreach.

Ar aghaidh: Maoine a tháinig de bheith faoi dhliteanas