Do mhaoin a luacháil
Léargas ginearálta
Tabhair do d'aire
Má tá do mhaoin faoi dhliteanas den chéad uair in 2025, ba chóir go mbeadh do Thuairisceán CMÁ tíolactha agat faoin 2 Nollaig 2024.
Mura bhfuil do thuairisceán tíolactha agat go fóill, ba chóir duit é a dhéanamh láithreach.
Gheobhaidh tú eolas sa rannán seo ar an gcaoi le do Cháin Mhaoine Áitiúil (CMÁ) a luacháil.
Cáin fhéinmheasúnaithe is ea CMÁ atá bunaithe ar do luacháil féin ar do mhaoin. Tá do mhuirear CMÁ bunaithe ar do luacháil maoine amhail an 1 Samhain 2021. Cinnfidh luacháil do mhaoine ar an dáta seo do mhuirear CMÁ atá le híoc agat do na blianta 2022 go dtí 2025.
Má bhí do mhaoin faoi dhliteanas CMÁ in 2024, ba chóir do luacháil a bheith tíolactha agat ar do Thuairisceán CMÁ cheana féin. Mura bhfuil sé déanta agat fós, ba chóir duit é a dhéanamh láithreach.
Tabhair do d'aire
Má tá luach margaidh do mhaoine amhail an 1 Samhain 2021 tíolactha agat cheana féin, ní theastaíonn luacháil eile go dtí 1 Samhain 2025.
Maoine nua-dhliteanach
Tá do mhaoin chónaithe nua-dhliteanach don CMÁ in 2025 más rud é:
- gur maoin chónaithe nua-thógtha atá inti a críochnaíodh tar éis an 1 Samhain 2023 agus ar, nó roimh, an 1 Samhain 2024
- nó
- gur tháinig sí de bheith áitithe, nó feiliúnach le húsáid mar áit chónaithe, tar éis an 1 Samhain 2023 agus ar, nó roimh, an 1 Samhain 2024.
I gcásanna den chineál sin, beidh ort do mhaoin a luacháil, amhail is go raibh sí lánchríochnaithe, ar 1 Samhain 2021. Cinnfidh sé seo an tsuim CMÁ atá le híoc do 2025.
Le haghaidh tuilleadh eolais ar cibé acu an bhfuil do mhaoin faoi dhliteanas CMÁ nó nach bhfuil, féach Maoine a thagann de bheith faoi dhliteanas CMÁ.
Má tá to Thuairisceán CMÁ tíolactha agat cheana féin, ach gur mian leat anois do luacháil a leasú, féach Cén chaoi le do Thuairisceán CMÁ a cheartú.
Ar aghaidh: An chaoi le do mhaoin a luacháil