Cáin Mhaoine Áitiúil (CMÁ) - céard is gá duit a dhéanamh le haghaidh 2027

Maoine atá nua-dhliteanach

Tá do mhaoin faoi dhliteanas CMÁ den chéad uair in 2027 más rud é:

• gur maoin chónaithe nuathógtha í a cuireadh i gcrích tar éis an 1 Samhain 2025, agus ar, nó roimh, an 1 Samhain 2026
• nó
• go raibh sí athchóirithe agus gur tháinig sí de bheith áitithe, nó de bheith feiliúnach le húsáid mar áit chónaithe tar éis an 1 Samhain 2025, agus ar, nó roimh, an 1 Samhain 2026. 

Is é an dáta luachála i leith CMÁ ná an 1 Samhain 2025. Ciallaíonn seo go mbeidh ort do mhaoin a luacháil amhail is go raibh sí ann ar an 1 Samhain 2025. 

Tá do mhuirear CMÁ bunaithe ar luacháil do mhaoine amhail an 1 Samhain 2025. Cinntíonn do luacháil ar do mhaoin ar an dáta seo do mhuirear CMÁ do na blianta 2027 go 2030. 

Ní mór duit:

1. Féinmheasúnú a dhéanamh ar luach do mhaoine atá anois faoi dhliteanas, amhail ar an dáta luachála 1 Samhain 2025. Ciallaíonn seo go mbeidh ort luach do mhaoine a chinneadh amhail is go raibh sí lánchríochnaithe ar an 1 Samhain 2025. 
2. Do luacháil a thíolacadh mar chuid de do Thuairisceán CMÁ ar, nó roimh, an 2 Nollaig 2026. 
3. Déan socrú le do mhuirear CMÁ a íoc. 

Do mhaoin a chlárú

Beidh ort do mhaoin a chlárú leis na Coimisinéirí Ioncaim mura raibh sí cláraithe roimhe seo chun críocha CMÁ nó Dleachta Stampa. Le haghaidh tuilleadh eolais, féach Maoin a chlárú le haghaidh na Cánach Maoine Áitiúla (CMÁ).

Má tá do mhaoin cláraithe le haghaidh CMÁ cheana féin, ba chóir duit rochtain a fháil ar do thaifead maoine leis na Coimisinéirí Ioncaim. 

Díolúintí CMÁ 

Tá maoine áirithe díolmhaithe ó CMÁ má chomhlíonann siad na coinníollacha cáilitheacha. Le haghaidh tuilleadh eolais, féach Díolúintí na Cánach Maoine Áitiúla (CMÁ) do 2026 go dtí 2030. Má cháilíonn do mhaoin le haghaidh díolúine ó CMÁ, ba cheart duit an díolúine ábhartha a éileamh ar do Thuairisceán CMÁ. 

Iarchur mhuirear an CMÁ

Féadfaidh tú íocaíocht do CMÁ a iarchur má chomhlíonann tú coinníollacha sonraithe áirithe. Le haghaidh tuilleadh eolais, féach Íocaíocht Cánach Maoine Áitiúla a iarchur.

Ar aghaidh: Maoine a bhí faoi dhliteanas CMÁ in 2026