Cáin Mhaoine Áitiúil (CMÁ) - céard is gá duit a dhéanamh le haghaidh 2027

Spriocdhátaí um thíolacadh agus íoc

Braitheann an dáta faoina gcaithfidh tú do mhuirear CMÁ a íoc ar an modh íocaíochta a roghnaíonn tú:

Eanáir 2027

Tosaíonn tráthíocaíochtaí trí asbhaint ag an bhfoinse agus gnáthíocaíochtaí airgid thirim trí sholáthraí seirbhíse íocaíochta.

11 Eanáir 2027

Is é seo an dáta deiridh chun íocaíocht iomlán a dhéanamh le hairgead tirim (trí sholáthraí seirbhíse íocaíochta), seic, cárta creidmheasa nó cárta dochair.

Má íocann tú do mhuirear CMÁ le cárta dochair nó le cárta creidmheasa, próiseálfar d’íocaíocht ar an dáta a dhéantar íocaíocht.

15 Eanáir 2027

Tosófar íocaíochtaí míosúla dochair dhírigh agus leanfaidh siad ar aghaidh ar an 15ú lá de gach mí.

21 Márta 2027

Is é seo an dáta asbhainte le haghaidh íocaíochtaí a dhéanamh trí Threoir Dochair Bhliantúil (TDB).

Logáil isteach ar CMÁ ar líne le socrú a dhéanamh chun íocaíocht a dhéanamh ar líne.

Tabhair do d'aire

Má tá d'íocaíochtaí á roinnt thar 2027, nó má tá tú ag íoc trí TDB, ní mór duit do mhodh íocaíochta a dheimhniú leis na Coimisinéirí Ioncaim faoin 2 Nollaig 2026. Féadtar an rogha íocaíochta ábhartha a roghnú tríd an tseirbhís CMÁ ar líne.

Má íocann tú do CMÁ le Dochar Díeach nó Treoir Dochair Bhliantúil (TDB) agus go bhfuil tú tar éis do sholáthraí bainc a athrú le déanaí, ba chóir duit do shonraí bainc le haghaidh CMÁ a thabhairt cothrom le dáta. Le haghaidh tuilleadh eolais, féach Do shonraí bainc le haghaidh CMÁ a thabhairt cothrom le dáta.