Cáin Mhaoine Áitiúil (CMÁ) - céard is gá duit a dhéanamh le haghaidh 2027

Maoine a bhí faoi dhliteanas CMÁ in 2026

Íocaíocht CMÁ

Má íocann tú CMÁ cheana féin trí mhodh íocaíochta athfhilltí, tabharfar é seo ar aghaidh go dtí 2027 go huathoibríoch. I measc na modhanna íocaíochta athfhilltí tá:

• Dochar Díreach (míosúil nó bliantúil)
• asbhaint ag an bhfoinse ó:
  • do thuarastal, phá nó phinsean ceirde
  • d'Íocaíochtaí ón Roinn Coimirce Sóisialaí (RCS)
  • d’íocaíocht ón Roinn Talmhaíochta, Bia agus Mara.

Má d’íoc tú do CMÁ tr mhodh íocaíochta neamh-athfhilltí, is gá duit socruithe a dhéanamh chun do CMÁ le haghaidh 2027 a íoc. Is gá duit rochtain ar do thaifead maoine leis na Coimisinéirí Ioncaim agus an modh íocaíochta is fearr leat a roghnú le haghaidh 2027.

Beag beann ar an gcaoi ar íoc tú do CMÁ in 2026, féadtar modh íocaíochta difriúil a roghnú do 2027 tríd an tseirbhís CMÁ ar líne. Le haghaidh tuilleadh eolais, féach Do mhuirear CMÁ a íoc.

Tuairisceán CMÁ

Má bhí do mhaoin faoi dhliteanas CMÁ in 2026, ba chóir go mbeadh do Thuairisceán CMÁ don tréimhse luachála 2026 go 2030 tíolactha agat cheana féin. Má tá sé sin déanta agat, ní gá duit tuairisceán CMÁ nua a thíolacadh le haghaidh 2027.

Tabhair do d'aire

Mura bhfuil do Thuairisceán CMÁ tíolactha agat fós don tréimhse 2026 go 2030, ba chóir duit é a dhéanamh láithreach.

Luacháil do mhaoine

Tá do mhuirear CMÁ le haghaidh 2026 go dtí 2030 bunaithe ar do luacháil ar do mhaoin amhail an 1 Samhain 2025. Níl ort athbhreithniú a dhéanamh ar do luacháil fiú má tháinig méadú ar luach do mhaoine ón 1 Samhain 2025. Le haghaidh tuilleadh eolais, féach Do mhaoin a luacháil.

Díolúintí CMÁ

Má bhain tú leas as díolúine CMÁ in 2026, tabharfar ar aghaidh é go dtí 2027. É sin ráite, ba chóir duit fós a chinntiú go gcomhlíonann tú na coinníollacha cáilithe don díolúine ábhartha.

Iarchur CMÁ

Má d’éiligh tú iarchur CMÁ in 2026, tabharfar ar aghaidh é go dtí 2027. Ba chóir duit a chinntiú go leanann tú de na critéir cháilitheachta le haghaidh iarchur CMÁ a chomhlíonadh.

Ar aghaidh: Spriocdhátaí um thíolacadh agus íoc