Tiarnaí talún neamhchónaitheacha
Dualgais chánach tiarnaí talún neamhchónaitheacha
Tabhair do d’aire
Athraíodh na sonraí agus na nósanna imeachta thíos ar an 01 Iúil 2023. Féadtar tuilleadh sonraí faoin athrú seo a fháil in Cáin Shiarchoinneálach do Thiarnaí Talún Neamhchónaitheacha (NLWT).
Más tiarna talún neamhchónaitheach thú, chun cáin a íoc ar d’ioncam ó chíos Éireannach, tá dhá rogha agat:
- gníomhaire bailiúcháin a fhostú (féach ar an gcéad leathanach eile)
- nó
- iarraidh ar do thionónta 20% den chíos dhlite a choinneáil siar agus é a thíolacadh chuig na Coimisinéirí Ioncaim.
Féadfaidh sé go mbeidh ort Tuairisceán Cánach Ioncaim Éireannach a thíolacadh má tá ioncam eile (seachas cíos) agat sa Stát. Níl aon dualgas tíolactha Cánach Ioncaim eile agat más rud é:
- nach bhfuil aon ioncam eile agat sa Stát
- agus
- go bhfuil gníomhaire bailiúcháin fostaithe agat chun tuairisceán a thíolacadh i leith d’ioncam cíosa.
Tabhair do d'aire
Ní mór duit Tuairisceán Cánach Ioncaim Éireannach a thíolacadh mura bhfuil gníomhaire bailiúcháin fostaithe agat.
Tá tú i dteideal faoiseamh a éileamh ar chostais a cheadaítear agus an brabús cíosa á ríomh agat. Chun tuilleadh eolais a fháil, féach Cé na costais a cheadaítear?
Féadfaidh sé go bhfuil tú i dteideal cuid de na liúntais phearsanta a fháil. Chun tuilleadh eolais a fháil, féach Tax and Duty Manual Part 45-01-01.
Tabhair do d'aire
Ní mór duit clárú le haghaidh Cánach Corparáide (CC) más gníomhaire bailiúcháin thú do thiarna talún corparáideach neamhchónaitheach.
Ar aghaidh: Gníomhaire bailiúcháin