Dleacht Stampa a íoc
Achomhairc
Céard a fhéadtar achomharc a dhéanamh ina choinne?
Féadtar achomharc a dhéanamh i gcoinne:
- measúnú Dleachta Stampa ó na Coimisinéirí Ioncaim
- cinneadh de chuid na gCoimisinéirí Ioncaim léiriú amhrais a dhiúltú
- cinneadh de chuid na gCoimisinéirí Ioncaim a bhaineann le luacháil talún
- diúltú na gCoimisineirí Ioncaim chun tú a dhíolmhú ó thíolacadh leictreonach
- nó
- cinneadh de chuid na gCoimisinéirí Ioncaim i leith éileamh ar aisíocaíocht.
Má tá tú ag déanamh achomhairc i gcoinne measúnú Dleachta Stampa, ní mór:
- tuairisceán Dleachta Stampa a bheith tíolactha agat
- agus
- an tsuim Dleachta Stampa dhlite a bheith íoctha agat bunaithe ar an tuairisceán sin.
Céard nach bhféadtar achomharc a dhéanamh ina choinne
Ní fhéadtar achomharc a dhéanamh sna cásanna seo:
- achomharc i gcoinne na suime Dleachta Stampa a mheasann tusa a bheith dlite
- cásanna ina dtagann tú féin (nó do ghníomhaire nó comhairleoir) agus na Coimisinéirí Ioncaim ar chomhaontú maidir leis an tsuim Dleachta Stampa dhlite sula dtionscnaíonn na Coimisinéirí Ioncaim measúnú
- ús agus pionóis.
Cén chaoi lena ndéantar achomharc?
Seachas achomhairc i gcoinne luachála talún, ba chóir achomharc a dhéanamh go díreach leis an gCoimisiún um Achomhairc Chánach.
Má tá achomharc á dhéanamh agat i gcoinne luacháil talún, ba chóir duit notice of appeal form (foirm um fhógra achomhairc) a chur faoi bhráid:
An Coiste Tagartha Luachanna Talún
Oifig na Cúirte Uachtaraí
Na Ceithre Cúirteanna
Baile Átha Cliath 7
Maidir le hachomhairc i gcoinne measúnuithe nó cinntí, ba chóir duit:
- d’achomharc a sheoladh taobh istigh de 30 lá ó mheasúnú nó ó chinneadh na gCoimisinéirí Ioncaim
- agus
- na sonraí a chur san áireamh maidir le d’achomharc.
Féadtar achomharc a dhéanamh ag am ar bith i gcoinne dhiúltú na gCoimisinéirí Ioncaim thú a dhíolmhú ó thíolacadh leictreonach.