Baile   Cáin Bhreisluacha (CBL)   CBL ar sheirbhísí  

Rialacha ar áit an tsoláthair do sheirbhísí

  1. Léargas ginearálta
  2. Céard is seirbhís ann chun críocha CBL?
  3. Na rialacha ginearálta ar áit an tsoláthair do sheirbhísí
  4. Eisceachtaí ó na rialacha ginearálta ar áit an tsoláthair
  5. Dualgais CBL trádálaithe in Éirinn agus seirbhísí á soláthar do chustaiméirí eachtracha

Na rialacha ginearálta ar áit an tsoláthair do sheirbhísí

Tá dhá riail ghinearálta ann maidir le háit an tsoláthair, ag brath ar cibé acu an gnó nó tomhaltóir an faighteoir. Féadtar treis a ghabháil ar na rialacha ginearálta seo, áfach, trí eisceachtaí áirithe nó na rialacha um úsáid agus tairbhiú.

Soláthar seirbhísí do ghnólacht (Gnólacht le Gnólacht)

I gcás soláthairtí seirbhísí Gnólacht le Gnólacht, is é áit an tsoláthair an áit a bhfuil an gnó a fhaigheann na seirbhísí bunaithe. Tá feidhm aige seo is cuma má tá an custaiméir gnó san Aontas Eorpach (AE) nó nach bhfuil.

Maidir le láthair an chustaiméara gnó dá soláthraítear na seirbhísí, féadfaidh an méid seo a leanas a bheith i gceist:

  • gurb é sin an áit a bhfuil a ngnó bunaithe acu
  • gurb é sin an áit a bhfuil bunachas socraithe an duine lonnaithe
  • nó
  • d’uireasa áit ghnó nó bunachas socraithe den chineál sin, an áit a bhfuil buanseoladh nó gnátháit chónaithe aige nó aici.

Go ginearálta, sa chás go bhfuil an custaiméir gnó lonnaithe taobh amuigh d’Éirinn, ní ghearrfaidh an soláthraí Éireannach CBL Éireannach ar a chuid seirbhísí. Ina áit sin, déanfaidh an custaiméir gnó féinchuntasaíocht don CBL ina Stát féin.

  • Sampla 1

    Soláthraíonn cuideachta Éireannach, XYZ Teoranta, seirbhís do B Teoranta. Tá B Teoranta bunaithe sa Fhrainc agus níl bunachas seasta eile acu in aon áit eile.

    Is í an Fhrainc an áit soláthair, an áit ina bhfuil B Teoranta bunaithe. Ní ghearrann XYZ Teoranta CBL Éireannach. Ina áit sin, déanann B Teoranta féinchuntasaíocht ar CBL Francach ina thuairisceán CBL féin. Níl aon CBL Éireannach dlite ar an soláthar seo.

  • Sampla 2

    Soláthraíonn cuideachta na Stáit Aontaithe, Seattle Teoranta, seirbhís do Thulach Mhór Teoranta. Tá Tulach Mhór Teoranta bunaithe in Éirinn agus níl bunachas seasta eile acu in aon áit eile.

    Is í Éire an áit soláthair, an áit ina bhfuil Tulach Mhór bunaithe. Ní mór do Thulach Mhór Teoranta féinchuntasaíocht a dhéanamh le haghaidh CBL ar an tseirbhís a sholáthraíonn Seattle Teoranta.

  • Sampla 3

    Soláthraíonn cuideachta Éireannach, LMN Teoranta, seirbhís do Manhattan PLC, cuideachta atá bunaithe sna Stáit Aontaithe. Níl bunachas seasta ag Manhattan PLC in aon áit eile.

    Is é na Stáit Aontaithe an áit soláthair, an áit a bhfuil Manhattan PLC bunaithe. Níl aon CBL Éireannach dlite ar an soláthar seo.

Soláthar seirbhísí le tomhaltóir neamhghnó (Gnólacht le Tomhaltóir)

I gcás soláthairtí seirbhísí Gnólacht le Tomhaltóir, is áit an tsoláthair ná: 

  • an áit a bhfuil gnó an tsoláthraí bunaithe
  • an áit a bhfuil bunachas seasta an tsoláthraí
  • nó
  • d’uireasa áit ghnó nó bunachas socraithe den chineál sin, an áit a bhfuil buanseoladh nó gnátháit chónaithe aige nó aici.

Tá seirbhísí sonracha áirithe i gceist sa chás go bhfuil áit an tsoláthair taobh amuigh d’Éirinn má tá an custaiméir lonnaithe taobh amuigh den AE.

  • Sampla 4

    Soláthraíonn cuideachta Éireannach, XYZ Teoranta, seirbhís do Karl, custaiméir neamhghnó bunaithe sa Ghearmáin. Ní thagann an tseirbhís seo taobh istigh de cheann ar bith de na heisceachtaí ná forálacha úsáide agus tairbhithe.

    Is í Éire an áit soláthair, an áit ina bhfuil XYZ Teoranta bunaithe. Ní mór do XYZ Teoranta CBL Éireannach a ghearradh agus cuntas a thabhairt ina leith ar a sholáthar do Karl.

Achoimre ar na rialacha ar áit soláthair seirbhísí

Leagtar amach sa tábla thíos achoimre ar na rialacha ar áit soláthair seirbhísí (faoi réir eisceachtaí nó rialacha um úsáid agus tairbhiú áirithe).

Achoimre ar na rialacha ar áit soláthair seirbhísí
Tír bhunaithe an tsoláthraíTír ina bhfuil an custaiméir bunaitheStádas an chustaiméaraÁit an tsoláthairDuine faoi dhliteanas a bheith cuntasach as CBL in Éirinn

Éire

Éire

Gnó nó Príobháideach

Éire

Soláthraí

Éire

Ballstát eile AE

Gnó

Ballstát eile AE

Níl aon CBL in Éirinn infheidhme

Éire

Ballstát eile AE

Príobháideach

Éire

Soláthraí

Éire

Taobh amuigh den AE

Gnó

Taobh amuigh den AE

Níl aon CBL in Éirinn infheidhme

Éire

Taobh amuigh den AE

Príobháideach

Braitheann sé ar nádúr na Seirbhíse

Soláthraí (má tharlaíonn CBL)

Ballstát eile AE

Éire

Gnó

Éire

Custaiméir gnó

Ballstát eile AE

Éire

Príobháideach

Ballstát eile AE

Níl aon CBL in Éirinn infheidhme

Taobh amuigh den AE

Éire

Gnó

Éire

Custaiméir gnó

Taobh amuigh den AE

Éire

Príobháideach

Braitheann sé ar nádúr na Seirbhíse

Braitheann sé ar nádúr na Seirbhíse – más incháinithe sa Stát, is é an soláthraí atá faoi dhliteanas

Ar aghaidh: Eisceachtaí ó na rialacha ginearálta ar áit an tsoláthair

Foilsithe: 08 Feabhra 2024 Priontáil an leathanach seo

Leathanach baile Ar ais go barr