Earraí a cheannach ar líne le haghaidh úsáid phearsanta
Cén chaoi le haisíocaíocht Dleachta Custam agus Cánach Breisluacha (CBL) a éileamh
I gcúinsí áirithe, féadfaidh sé go mbeidh tú in ann aisíocaíocht a éileamh ar na dleachtanna custam a íocadh, ar an gcoinníoll gur tugadh ar ais don díoltóir na hearraí a cheannaigh tú.
Tabhair do d'aire
Ní fhéadtar aisíocaíocht a éileamh go dtí go bhfuil na muirir custam íoctha.
Beartáin seachadta ag An Post
Más tríd An Post a seachadadh na hearraí, ní mór duit teagmháil dhíreach a dhéanamh leis An Post. Ba chóir go mbeadh na sonraí teagmhála san áireamh in aon chomhfhreagras a fuarthas i dtaca le do sheachadadh.
Beartáin seachadta trí chúiréir nó luaschúiréir
Ba chóir duit teagmháil a dhéanamh leis an gcuideachta a rinne do bheartán a sheachadadh. Ba chóir go raibh na sonraí teagmhála in éineacht le do bheartán.
I ngach cás, ba chóir duit an méid seo a leanas a thíolacadh le haisíocaíocht a éileamh
- D’ainm agus do sheoladh iomlán.
- An chúis le d’iarratas ar aisíocaíocht, mar shampla, earraí aisdúichithe nóathsholáthairtí.
- Cruthúnas ar íocaíocht Dleachtanna Custam agus CBL.
- Cóip den sonrasc, agus aon doiciméid ábhartha eile.
- Cruthúnas ar aisdúichiú na n-earraí, mar shampla, ríomhphost ón díoltóir ag sonrú gur tugadh na hearraí ar ais.
Tuilleadh eolais
Má tá tuilleadh eolais ag teastáil uait, féadtar teagmháil a dhéanamh le Custaim.