Eolas ar thíolacadh párolla

Íoctar €500 sa tseachtain le Seán. I seachtain 1 bhí Seán tinn ar feadh lá amháin. Ní íocann a fostóir é le haghaidh saoire bhreoiteachta agus mar sin, ba cheart nach bhfaighidh sé ach €400 an tseachtain sin. Níor insíodh an oibritheoir párolla in am, áfach, agus íocadh an €500 iomlán leis.

Gheobhaidh fostóir Sheáin an ró-íocaíocht €100 ar ais sa chéad babhta párolla eile. Íoctar €500 sa tseachtain le Seán, mar sin laghdófar pá comhlán Sheáin go €400 i Seachtain 2. 

Íoctar €500 sa tseachtain le Máire. I seachtain 1 rinne Máire ragobair, rud a chiallaigh gur chóir €100 breise a íoc léi. Níor cuireadh an t-oibritheoir párolla ar an eolas in am agus mar sin níor íocadh ach €500 seachas €600 léi.

Tá sé aontaithe ag fostóir Mháire an €100 a íoc sa chéad babhta párolla eile. Tá pá comhlán €500 sa tseachtain ag Máire agus mar sin méadaíodh a pá comhlán go €600 i Seachtain 2 chun an ghearríocaíocht a cheartú. 

Íocadh €500 le Pádraig i seachtain 1. Thuairiscigh an fostóir, áfach, a phá mar €5,000 go mícheart sa tíolacadh párolla.

Sa chás seo, ba chóir don fhostóir tíolacadh párolla ceartaithe a thíolacadh a thiocfaidh in áit an leagain mhíchirt. Ba chóir don fhostóir Uimhir Aitheantais na Míre Líne don bhunthíolacadh mícheart a chur isteach sa réimse 'Uimhir aitheantais na míre líne roimhe'.