Clárú fostóirí le haghaidh Íoc Mar A Thuillir (ÍMAT)
Cén chaoi le clárú
Leis an áis ríomh-Chárúcháin, mar fhostóir nua, is féidir do chlárúcháin ar líne a bhainistiú. Tá sé níos saoire agus níos éifeachtúla clárú ar líne ná iarratais pháipéir a thíolacadh. Chun ríomh-Chlárúchán a úsáid, ní mór duit a bheith cláraithe le haghaidh Seirbhís ar Líne na gCoimisinéirí Ioncaim (ROS) nó moChúrsaí.
Ag clárú trí ROS
Féadtar faisnéis maidir le clárú do ÍMAT/ÁSPC Fostóra a fháil sa Employer/PRSI Guide.
Tabhair do d'aire
Más ríomhthíolaiceoir éigeantach an duine aonair nó an chuideachta, is gá dóibh clárú mar fhostóir trí ROS. Féach an rannán Ríomhthíolacadh éigeanach chun tuilleadh eolais a fháil maidir le cáin a íoc agus tíolacthaí a dhéanamh ar líne.
Mar fhostóir, mura bhfuil tú in ann ríomh-Chlárúchán a úsáid, is iad seo a leanas na modhanna páipéarbhunaithe:
- TR1 - duine aonair, trádálaí aonair nó comhpháirtíocht.
- TR1 (FT) - duine aonair, trádálaí aonair nó comhpháirtíocht neamhchónaitheach.
- TR2 - cuideachta a chlárú.
- TR2 (FT) - trádálaithe neamhchónaitheach.
- PREM Reg - cláraithe le haghaidh Cáin Ioncaim (féinfhostaithe nó fostaí) nó Cáin Chorparáide cheana féin.
Clárúchán éigeantach
Mura bhfuil tú cláraithe mar fhostóir, ach má chreideann na Coimisinéirí Ioncaim gur chóir duit a bheith cláraithe, féadfaidh na Coimisinéirí Ioncaim tú a chlárú mar fhostóir. Eiseoidh na Coimisinéirí Ioncaim fógra foirmiúil clárúcháin chugat.
Féadfaidh tú achomharc a dhéanamh in aghaidh an fhógra fhoirmiúl clárúcháin chuig an gCoimisiún um Achomhairc Chánach (TAC) laistigh de 30 lá tar éis dháta an fhógra. Féadtar achomharc a dhéanamh ach an fhoirm Fhógra Achomhairc a chomhlánú agus a thíolacadh chuig an gCoimisiún um Achomhairc Chánach (TAC). Féadtar an fhoirm Fhógra Achomhairc a fháil ón Suíomh idirlín an Choimisiúin um Achomhairc Chánach.
Mura bhfeidhmíonn tú ÍMAT mar fhostóir, féadfaidh na Coimisinéirí Ioncaim measúnú a éisiúnt ar na méideanna nach mór duit a íoc má:
- má tá tú cláraithe mar fhostóir agus mura dtíolacann tú tíolacthaí párolla
- nó
- má thugann tú cuntas i leith suim, agus má íocann tú suim Cánach Ioncaim, Árachas Sóisialach Pá-Choibhneasa (ÁSPC) agus Muirear Sóisialach Uilíoch (MSU) a chreideann na Coimisinéirí Ioncaim atá ró-íseal don mhí sin.
Chun tuilleadh eolas a fháil maidir le measúnuithe, féach Cáin d'fhostaithe a íoc leis na Coimisinéirí Ioncaim.
Ar aghaidh: Mura bhfuil fostaithe agat a thuilleadh