Cáin ar shochar comhchineáil
Cáin a ghearradh ar shochair
Chun críocha cánach, ba chóir don fhostóir caitheamh le luach sochair mar phá barúlach. Ba chóir don fhostóir aon phá barúlach a chur san áireamh le pá an fhostaí sa tréimhse phá inar tugadh an sochar.
Ní mór don fhostóir pá barúlach a thuairisciú do na Coimisinéirí Ioncaim, ar nó roimh an lá a dhéantar an íocaíocht barúlach leis an bhfostaí.
Ríomhtar Cáin Ioncaim, Árachas Sóisialach Pá-Choibhneasta (ÁSPC) agus Muirear Sóisialta Uilíoch (MSU) an fhostaí ar chomhiomlán an phá agus an phá barúlach. Ní mór na cánacha seo uile a asbhaint ó phá an fhostaí. Tá ÁSPC Fostóra dlite chomh maith ar iomlán an phá agus luach an tsochair in éineacht.
Ní gá don fhostóir luach sochair a léiriú ar dhuillíní pá a bhfostaithe. Ní mór, áfach, don fhostóir luach sochair agus luach saothair scairbhunaithe a thuairisciú ar a dtíolacadh párolla chuig na Coimisinéirí Ioncaim.
Ar aghaidh: Pá neamhleor chun cáin a asbhaint