Cáin Gnóthachan Caipitiúil (CGC) ar dhíol, ar bhronntanas, nó ar mhalartú sócmhainne

Cheannaigh Seán 2,000 scair tosaíochta in Trio Teo. in 2004 ar €2,000 (€1 an scair). In 2006, cheannaigh sé 4,000 scair tosaíochta eile in Trio Teo ar €6,000 (€1.50 an scair).

Dhíol sé 3,000 dá scaireanna in Bealtaine 2017 ar €5,000. Ní raibh aon ghnóthachan eile ag Seán in 2017.

Ós rud é nár dhíol Seán ach cuid dá scaireanna, baineann sé úsáid as an riail FIFO chun an praghas ceannaigh a ríomh. Caitheann sé leis gur dhíol sé na 2,000 scair a cheannaigh sé in 2004 agus na 1,000 scair a cheannaigh sé in 2016.

Nuair a ríomhann Seán a CGC, féadfaidh sé €3,500 a úsáid mar a phraghas ceannaigh. 

Íocann Seán a CGC faoin 15 Nollaig 2017. Déanann sé a thuairisceán a thíolacadh faoin 31 Deireadh Fómhair 2018.

Ar an 1 Aibreán 2017, cheannaigh Siobhán agus Caoimhín 3,000 gnáthscair an duine in Abcee Teo ar €3,000.

Ansin, dhíol an bheirt acu a gcuid scaireanna an 14 Aibreán 2017 ar €2,000, agus caillteanas €1,000 i gceist.

Níor cheannaigh Siobhán aon ghnáthscaireanna eile in Abcee Teo taobh istigh de cheithre seachtaine ó dháta an caillteanais. Ní fhéadann sí a caillteanas a fhritháireamh in aghaidh aon ghnóthachan a d’fhéadfadh a bheith aici.

Cheannaigh Caoimhín níos mó gnáthscaireanna in Abcee Teo an 21 Aibreán 2017. Má dhéanann Caoimhín gnóthachan ar dhiúscairt na scaireanna seo sa todhchaí, féadann sé a chaillteanas €1,000 a asbhaint.

Cheannaigh Oisín 1,000 gnáthscair in Crydex Teo. in 2004 ar €1,000.

In 2017, fuair sé eisiúint bónais scair amháin in aghaidh gach cúig scair a choinnítear. (Fuair sé 200 scair bónais.)

Dhíol sé 500 scair i mí an Mhárta 2018 ar €2,000.

Féadann Oisín a ghnóthachan incháinithe a ríomh anois.

Íocann Oisín a CGC faoin 15 Nollaig 2018. Thíolaic sé a thuairisceán CGC faoin 31 Deireadh Fómhair 2019.

Eisiúint cearta scaireanna - na scaireanna uile a dhíoltar

Cheannaigh Ailbhe 100 gnáthscair in Cemix Teo in 2003 ar €500 (€5 an scair). In 2007, fuair sí eisiúint cearta scair amháin in aghaidh gach dhá scair a choinnítear. Caoga scair ar €250 (€5 an scair).

Dhíol sí 150 scair, is é sin na scaireanna uile, i mí Dheireadh Fómhair 2018 ar €3,750 (€25 an scair).

Nuair a ríomhann Ailbhe a CGC, meastar go bhfuil na scaireanna eisiúna cearta ina gcaiteachas luachmhéadaithe.

Íocann Ailbhe a CGC faoin 15 Nollaig 2018. Thíolaic sí a tuairisceán CGC faoin 31 Deireadh Fómhair 2019.

Eisiúint cearta - sa chás nach ndíoltar na scaireanna uile

I mí an Mheithimh 2003, cheannaigh Anna 100 gnáthscair in Ablett Teo ar €500 (€5 an scair). I mí na Samhna 2009, fuair Anna eisiúint cearta scair amháin in aghaidh gach dhá scair a choinnítear. Caoga scair ar €200 (€4 an scair).

Dhíol Anna 90 dá scaireanna i Meitheamh 2019 ar €2,250 (€25 an scair).

Toisc nach bhfuil a scaireanna uile díolta aici, is gá d’Anna:

• costas na 90 scaireanna a dhíol sí, agus

• caiteachas luachmhéadaithe na 90 scair a ríomh.

Féadann Anna na suimeanna seo a úsáid chun a gnóthachan incháinithe a ríomh.

D’íoc Anna a CGC a íoc faoin 15 Nollaig 2019. Thíolaic sí a tuairisceán CGC faoin 31 Deireadh Fómhair 2020.

Scaireanna d’aicme dhifriúil - eisiúint cearta (le roinnt scaireanna tosaíochta díolta)

I mí Eanáir 2006, cheannaigh Sinéad 100 scair in Annex Teo ar €5,000 (€5 an scair). Is cuideachta neamhluaite í Annex Teo.

Ar an 14 Meitheamh 2010, fuair sí eisiúint cearta de scair tosaíochta amháin in aghaidh gach dhá ghnáthscair a choinnítear ar €2,000. Faigheann sí 500 scair tosaíochta ar chostas €2,000 (€4 an scair).

Dhíol Sinéad 400 scair tosaíochta ar €6,000 (€15 an scair) an 23 Samhain 2018.

Faisnéis is gá a bheith ar eolas ag Sinéad:

• Meastar go bhfaightear na scaireanna uile in Eanáir 2006.

• Ba é €5,000 costas bunaidh na 1,000 gnáthscair uile.

• Ba é €2,000 an caiteachas luachmhéadaithe bunaidh (an eisiúint cearta de 500 scair tosaíochta).

• Ar an dáta diúscartha, is é sin an 23 Samhain 2018, ba é luach na ngnáthscaireanna ná €20 an scair. (Ba é €20,000 an luach margaidh iomlán ar scaireanna tosaíochta Shinéad.)

• Ar an dáta diúscartha, is é sin an 23 Samhain 2018, ba é luach na scaireanna tosaíochta ná €10 an scair. (Ba é €5,000 an luach margaidh iomlán ar scaireanna tosaíochta Shinéad.)

Chun a CGC a ríomh, is gá costas agus caiteachas luachmhéadaithe na scaireanna tosaíochta a dhíol sí a bheith ar eolas ag Sinéad.

Ríomhann sí costas agus caiteachas luachmhéadaithe na scaireanna tosaíochta:

Féadann Sinéad costas agus caiteachas luachmhéadaithe na 400 scair tosaíochta a dhíol sí a ríomh:

Féadann Sinéad a CGC ar dhiúscairt a scaireanna tosaíochta a ríomh anois:

Ní mór do Shinéad a CGC a íoc faoin 15 Nollaig 2018. Thíolaic sí a tuairisceán CGC faoin 31 Deireadh Fómhair 2019.

Scaireanna d’aicme dhifriúil - eisiúint cearta (le roinnt gnáthscaireanna díolta)

In Eanáir 2007, cheannaigh Cárthach 1,000 gnáthscair sa chuideachta luaite Lilax Teo ar €2,000 (€2 an scair).

Ar an 15 Márta 2010, fuair sé eisiúint cearta de scair tosaíochta amháin in aghaidh gach dhá ghnáthscair a choinnítear ar €500. Faigheann sé 500 scair tosaíochta ar chostas €500 (€1 an scair).

Dhíol Cárthach a scaireanna uile, is é sin 1,000 gnáthscair, ar €6,000 i mí na Samhna 2018 (€6 an scair).

Faisnéis is gá a bheith ar eolas ag Cárthach:

• Meastar go bhfaightear na scaireanna uile in Eanáir 2007.

• Ba é €2,000 costas bunaidh na 1,000 gnáthscair.

• Ba é €500 an caiteachas luachmhéadaithe bunaidh (an costas ar eisiúint cearta de 500 scair tosaíochta).

• Ar an lá i ndiaidh na heisiúna cearta, is é sin an 16 Márta 2010, ba é luach margaidh na ngnáthscaireanna ná €5 an scair. (Ba é €5,000 an luach margaidh iomlán ar scaireanna tosaíochta Chárthaigh.)

• Ar an lá i ndiaidh na heisiúna bónais, is é sin an 16 Márta 2010, ba é luach margaidh na scaireanna tosaíochta ná €10 an scair. (Ba é €5,000 an luach margaidh iomlán ar scaireanna tosaíochta Chárthaigh).

Chun a CGC a ríomh, is gá costas agus caiteachas luachmhéadaithe na scaireanna tosaíochta a dhíol sé a bheith ar eolas ag Cárthach.

Féadann Cárthach an costas agus an caiteachas luachmhéadaithe a úsáid chun a CGC a ríomh.

Ní mór do Chárthach a CGC a íoc faoin 15 Nollaig 2018. Thíolaic sé a thuairisceán CGC faoin 31 Deireadh Fómhair 2019.

Scaireanna d’aicme dhifriúil - eisiúint bónais

In 2007, cheannaigh Nuala 1,000 gnáthscair sa chuideachta luaite Denlix Teo ar €4,000 (€4 an scair).

An 15 Márta 2010, fuair sí eisiúint bónais de dhá scair tosaíochta in aghaidh gach gnáthscair a choinnítear (500 scair).

Dhíol Nuala a scaireanna tosaíochta ar fad, is é sin 500 scair, i Lúnasa 2018.

Faisnéis is gá a bheith ar eolas ag Nuala:

• Meastar go bhfaightear na scaireanna uile in 2007.

• Meastar gurb é €4,000 costas bunaidh na 1,500 scair.

• Ar an lá i ndiaidh na heisiúna bónais, is é sin an 16 Márta 2010, ba é luach margaidh na scaireanna tosaíochta ná €20 an scair. (Ba é €20,000 an luach margaidh iomlán ar ghnáthscaireanna Nuala.)

• Ar an lá i ndiaidh na heisiúna bónais is é sin an 16 Márta 2010, ba é luach margaidh na scaireanna tosaíochta ná €10 an scair. (Ba é €5,000 an luach margaidh iomlán ar scaireanna tosaíochta Nuala).

Is gá di costas na scaireanna tosaíochta a dhíol sí a ríomh.

Féadann Nuala an costas a úsáid chun a CGC ar dhiúscairt a scaireanna tosaíochta a ríomh.

Ní mór do Nuala a CGC a íoc faoin 15 Nollaig 2018. Thíolaic sí a tuairisceán CGC faoin 31 Deireadh Fómhair 2019.