Cáin Gnóthachan Caipitiúil (CGC) ar dhíol, ar bhronntanas, nó ar mhalartú sócmhainne
Deimhniú Imréitigh CGC (CG50A)
Is gá deimhniú CG50A a bheith agat má dhíolann tú:
- sócmhainn ar an 25 Márta 2002 nó dá éis ar luach €500,000 nó níos mó
- teach nó árasán ar an 1 Eanáir 2016 nó dá éis ar luach €1 milliún nó níos mó.
Cén chaoi le CG50A a fháil?
Le CG50A a fháil uainn, ní mór duit ar a laghad ceann amháin de na critéir seo a leanas a chomhlíonadh:
- a bheith cónaitheach sa tír seo
- CGC a bheith íoctha agat ar an diúscairt (má tá sé dlite).
Cén chaoi a ndéantar iarratas ar CGT50A
Féadtar iarratais ar CG50A a dhéanamh ar líne in moChúrsaí nó Seirbhís ar Líne na gCoimisinéirí Ioncaim (ROS) tríd iad seo a leanas a roghnú:
- Seirbhísí eile
- áis Imréiteach Gnóthachan Caipitiúil (eCG50) ina dhiadh sin.
Tá tuilleadh sonraí maidir leis an chaoi le hiarratas a dhéanamh ar líne le fáil sa Guide for Applicants (TDM 42-03-01a).
An bhféadann gníomhaire iarratas ar CG50A a dhéanamh duit?
Féadann do ghníomhaire iarratas ar CG50A a dhéanamh duit (an díoltóir). Ní mór an méid thíos a bheith san áireamh le d’iarratas:
- d’ainm agus seoladh
- d’Uimhir Phearsanta Seirbhíse Poiblí (UPSP) má tá tú cónaitheach in Éirinn.
Féadfaidh sé go mbeadh doiciméid eile ag teastáil ag brath ar an iarratas.
Céard a tharlaíonn mura bhfaigheann tú CG50A?
Tá dualgas ar an gceannaitheoir 15% den phraghas ceannaigh a choinneáil siar uait. Tugtar Alt 980 air seo. Tabharfaidh an ceannaitheoir Form CG50B duit ansin. Ligfidh sé seo duit an tsuim a choinnigh siad siar a aiséileamh uainn ag dáta níos déanaí. Féadtar teacht ar an bhfoirm CG50B ar líne tríd an áis Imréiteach Gnóthachan Caipitiúil in moChúrsaí nó ROS.
Tacaíocht do chustaiméirí nach bhfuil ríomh-chumasaithe
Leanfaidh na Coimisinéirí Ioncaim de thacaíocht a thabhairt do chustaiméirí nach bhfuil sé ar a gcumais iarratais a thíolacadh ar líne. Féadfaidh tú leanúint ar aghaidh d’Fhoirm CG50 le cóip den chonradh díola agus doiciméid cuí eile a sheoladh. Féadtar é seo a sheoladh chuig d’oifig áitiúil de chuid na gCoimisinéirí Ioncaim tríd an bpost nó trí M’Fhiosruithe.