Eolas ar cháin tar éis méala
Céard is eastát ann?
Is éard atá in eastát ná sócmhainní arna sealbhú in ainm an duine éagtha amháin ag dáta a bháis. Cuimsíonn sócmhainní:
- airgead tirim
- cuntais bhainc
- maoin nó talamh
- beostoc
- ábhar tí
- pictiúir
- seodra
- carr
- stoic agus scaireanna.
Cén chaoi chaoi a fhéadtar eastát a aistriú chuig na tairbhithe?
Féadtar eastát a daileadh do na tairbhithe ar bhealaí éagsúla.
Má tá uacht ann, dáilfear sócmhainní chuig na tairbhithe de réir mar a thug an duine éagtha treoir. Mura bhfuil uacht ann, tugtar ‘díthiomnacht’ air agus dáilfear na sócmhainní faoi rialacha speisialta atá leagtha síos sa dlí.
Áirítear na samplaí seo a leanas le sócmhainní a dháiltear faoi uacht nó díthiomnacht:
- sócmhainní faoi úinéireacht ainm an duine éagtha
- sócmhainní faoi úinéireacht an duine éagtha ach curtha in ainm duine eile ar mhaithe le héascaíocht
- sócmhainní a chuir an duine éagtha i gcomhainmneacha an duine éagtha agus an duine eile nuair nach raibh sé ar intinn aon sochar a thabhairt don duine eile.
Áirítear na samplaí seo a leanas le sócmhainní a dháiltear taobh amuigh den uacht nó díthiomnacht:
- sócmhainní a dháilfear trí ainmniú, mar shampla nuair a thug an duine éagtha treoir do An Post cairteacha coigiltis a íoc le duine ainmnithe tar éis bhás an duine éagtha
- sochair bháis a dháilfear chuig tairbhithe ar baill áirithe teaghlaigh iad atá ainmnithe ar pholasaí árachais saoil nó scéim pinsin
- sócmhainní a chuir an duine éagtha i gcomhainmneacha an duine éagtha agus duine eile nuair a bhí sé ar intinn sochar a thabhairt don duine eile.
Ar aghaidh: Céard is tairbhí ann?