Pósadh agus páirtnéireachtaí sibhialta

Cánachas tar éis pósta nó clárúchán páirtnéireachta sibhialta

An chéad bhliain den phósadh

Leanfar de bheith ag gearradh cáin oraibh mar bheirt singil i mbliain an phósta.

Má íocann tú níos mó cánach mar bheirt singil i gcomparáid le dá ndéanfaí cóimheasúnú oraibh, beidh tú incháilithe d'aisíocaíocht. Má tá aisíocaíocht dlite duit do bhliain an phósta, ní thabharfar í ach ó dháta do phósta.

Féadtar aisíocaíocht a éileamh ar an difríocht tar éis 31 Nollaig den bhliain sin. Déanfar aisíocaíochtaí a aisíoc le gach duine i gcomhréir leis an méid chánach a d’íoc gach duine agaibh. Beidh Tuairisceán Cánach Ioncaim le tíolacadh ionas gur féidir athbhreithniú ar bhliain an phósta a phróiseáil.

Más mian leat athbhreithniú a dhéanamh ar bhliain do phósta, bain úsáid as moChúrsaí agus cuir iarratas isteach trí M’Fhiosruithe.

Tabhair do d'aire

Tar éis an tAcht um Phósadh, 2015, ní féidir le lánúineacha páirtnéireacht shibhialta a chlárú in Éirinn a thuilleadh. Ní féidir an bhliain chlárúcháin i leith faoisimh páirtnéireachta sibhialta a chur i bhfeidhm a thuilleadh toisc go bhfuil aisíocaíocht den sórt sin lasmuigh den riail ceithre bliana.

Blianta tar éis an phósta

Tá trí rogha agat chun do cháin féin agus cáin do chéile a ríomh. Is iad seo a leanas na roghanna seo:

• cóimheasúnú
• measúnú ar leithligh
• agus
• déileáil ar leithligh.

Féadtar an rogha is oiriúnaí daoibh mar lánúin a roghnú.

Ar aghaidh: Cóimheasúnú