Díolúine chánach do charthanais

Cén chaoi le hiarratas a dhéanamh ar dhíolúine chánach do charthanais

Chun iarratas a dhéanamh ar dhíolúine chánach, ní mór do do charthanas a bheith:

• cláraithe leis an Rialálaí Carthanas
• cláraithe le haghaidh cánach leis na Coimisinéirí Ioncaim trí cheann de na foirmeacha seo a leanas a chomhlánú
  • Foirm Cláraithe Cánach d’d’eagraíochtaí deonacha neamhbhrabúis
  • Foirm TR1 i gcás chomhlachtaí neamhchorpraithe
  • nó
  • Foirm TR2 i gcás cuideachtaí
• agus
• cláraithe le haghaidh Sheirbhís ar Líne na gCoimisinéirí Ioncaim (ROS). 

Ní mór iarratas a thíolacadh trí ROS mar seo a leanas:

1. Sínigh isteach ar ROS.
2. Téigh chuig an rannán 'Seirbhísí Eile' faoin gcluaisín 'Mo Sheirbhísí Féin'.
3. Roghnaigh 'Ríomh-Iarratais Carthanas agus Comhlachtaí Spóirt'.

Tá tuilleadh eolais ar iarratas a dhéanamh ar líne ar dhíolúine chánach do charthanais ar líne sa rannán seirbhísí ar líne. 

Ní mór do charthanais, seachas scoileanna a bhfuil Uimhir Rolla acu, an méid seo a leanas a cheangal lena n-iarratas:

• a gcuntas airgeadais is deireanaí nó sonraí lena bpleananna airgeadais
• ráiteas ar a ngníomhaíochtaí agus pleananna
• agus
• cóip de bhunreacht a gcarthanais ceadaithe ag an Rialálaí Carthanas. Cuireann An Rialálaí Carthanas teimpléid den Model Constitution for Unincorporated Entities agus Model Constitution for Company Limited by Guarantee ar fáil. Ní mór clásail chaighdeánacha na gCoimisinéirí Ioncaim i leith Eintitis Neamhchorpraithe nó Cuideachtaí a bheith san bhunreacht.

Féadfaidh sé go n-iarrfaidh na Coimisinéirí Ioncaim tuilleadh doiciméad chun tacú leis an iarratas.

Más scoil le hUimhir Rolla thú atá cláraithe le haghaidh cánach, níl ort ach an méid seo a leanas a chur ar fáil:

• Uimhir Cláraithe Carthanais arna eisiúint ag An Rialálaí Carthanas
• agus
• sonraí i leith na n-iontaobhaithe ar fad.

Cuirfidh na Coimisinéirí Ioncaim in iúl duit i scríbhinn nuair a bheidh d'iarratas ar dhíolúine chánach charthanúil ceadaithe. Ní gá duit do dhíolúine a athnuachan ar an gcoinníoll go gcomhlíonann tú na coinníollacha an díolúine a choinneáil.

Ar aghaidh: Coinníollacha i leith díolúine chánach do charthanais a choinneáil