Maoin a dhíol, a cheannach nó a aistriú
Tá maoin á ceannach agat ó údarás áitiúil
Faoin reachtaíocht CMÁ, íocann údaráis áitiúla CMÁ ar a gcuid maoine cónaithe bunaithe ar Bhanda Luachála 1. Tá feidhm ag Banda Luachála 1 maidir le maoine cónaithe le luach de:
- €100,000 nó níos lú ar an dáta luachála 01 Bealtaine 2013, atá i bhfeidhm don tréimhse luachála 01 Iúil 2013 go dtí 31 Deireadh Fómhair 2021
- agus
- €200,000 nó níos lú ar an dáta luachála 01 Samhain 2021, atá i bhfeidhm don tréimhse luachála 01 Eanáir 2022 go dtí 31 Nollaig 2025.
Má cheannaítear maoin ó údarás áitiúil, ní theastaíonn imréiteach ginearálta ná sonrach ó na Coimisinéirí Ioncaim.
Luacháil agus íocaíocht CMÁ
Don tréimhse luachála 01 Iúil 2013 go dtí 31 Deireadh Fómhair 2021, ba chóir duit leanúint le CMÁ bunaithe ar Bhanda Luachála 1 a íoc.
Don tréimhse luachála 01 Eanáir 2022 go dtí 31 Nollaig 2025, áfach, ní mór duit CMÁ bunaithe ar luach margaidh na maoine amhail an 01 Samhain 2021 a íoc. Ciallaíonn sé seo go bhféadfaidh sé nach mbeidh Banda Luachála 1 i bhfeidhm a thuilleadh tar éis duit an mhaoin a cheannach.
Mura bhfuil Banda Luachála 1 i bhfeidhm a thuilleadh ar an maoin a cheannaigh tú ó údarás áitiúil, ba chóir duit teagmháil a dhéanamh leis an mBrainse CMÁ. Beidh ort an méid seo thíos a chur ar fáil:
Féach An chaoi le do mhaoin a luacháil le haghaidh tuilleadh eolais ar an gcaoi le do mhaoin a luacháil amhail an 01 Samhain 2021.
Níl aon CMÁ breise dlite le híoc ag an Údarás Áitiúil fiú más mó praghas an díola ná €100,000.