Do mhaoin a luacháil
Léargas ginearálta
Gheobhaidh tú eolas sa rannán seo ar an gcaoi le do mhaoin a luacháil le haghaidh na Cánach Maoine Áitiúla (CMÁ).
Cáin fhéinmheasúnaithe is ea an CMÁ atá bunaithe ar do luacháil féin ar do mhaoin. Tá do mhuirear CMÁ bunaithe ar do luacháil maoine amhail an 1 Samhain 2025. Cinneann do luacháil ar do mhaoin ar an dáta seo do mhuirear CMÁ do na blianta 2026 go 2030.
Ní mór duit luacháil féinmheasúnaithe ar do mhaoin a thíolacadh chuig na Coimisinéirí Ioncaim ar do Thuairisceán CMÁ. Braitheann an méid CMÁ a íocann tú ar mbanda luachála a roghnaíonn tú ar do Thuairisceán CMÁ.
Má bhí do mhaoin faoi dhliteanas CMÁ in 2026, ba chóir do thuairisceán a bheith tíolactha agat faoin 12 Samhain 2025. Clúdaíonn an tuairisceán seo na blianta 2026 go 2030. Mura bhfuil an tuairisceáin seo tíolactha agat cheana féin, ba chóir duit é sin a dhéanamh láithreach. Má tá an tuairisceáin seo tíolactha agat cheana féin, ní gá duit luacháil nua do do mhaoin a thíolacadh go dtí 2030.
Má tá do Thuairisceán CMÁ tíolactha agat cheana féin, ach más mian leat do luacháil a leasú anois, féach Conas do Thuairisceán CMÁ a cheartú.
Maoine atá nua-dhliteanach
Tá do mhaoin faoi dhliteanas CMÁ den chéad uair in 2027 más rud é:
- gur maoin chónaithe nuathógtha í a cuireadh i gcrích tar éis an 1 Samhain 2025, agus ar, nó roimh, an 1 Samhain 2026
- nó
- go raibh sí athchóirithe agus gur tháinig sí chun a bheith áitithe, nó feiliúnach le húsáid mar áit chónaithe tar éis an 1 Samhain 2025, agus faoin 1 Samhain 2026, an lá sin san áireamh.
I gcásanna den chineál sin, ní mór duit do mhaoin a luacháil amhail is go raibh sí ann lánchríochnaithe ar an 1 Samhain 2025. Cinnfidh sé seo an tsuim CMÁ a íocfaidh tú le haghaidh gach bliain ó 2027 go 2030. Be chóir duit an t-eolas sa rannán seo a léamh chun an banda luachála do do mhaoin nua-dhliteanach a chinneadh.
Chun tuilleadh eolais a fháil maidir le cibé an bhfuil do mhaoin faoi dhliteanas CMÁ, féach Maoine a thagann de bheith faoi dhliteanas CMÁ.
Ar aghaidh: Bandaí agus rátaí luachála