Baile   Cosaint sonraí  

Cearta duine is ábhar do na sonraí

  1. Léargas ginearálta
  2. Ceart chun faisnéise
  3. Ceart rochtain a fháil ar fhaisnéis
  4. Ceart chun sonraí pearsanta a cheartú
  5. An ceart go ndéanfaí léirscriosadh (an ceart go ndéanfaí ligean i ndearmad)
  6. An ceart chun srian a chur ar phróiseáil
  7. An ceart chun iniomparthacht sonraí agus chun cur i gcoinne próiseála
  8. An ceart chun nach mbeifí faoi réir cinntí aonair uathoibríocha, próifíliú san áireamh

Ceart rochtain a fháil ar fhaisnéis

Tá tú i dteideal na sonraí pearsanta atá á gcoinneáil againn fút a fháil, ach amháin i gcúinsí teoranta áirithe. Tugtar sonraí faoi seo in Alt 851B(5) den Acht Comhdhlúite Cánacha, 1997 . Féadtar cóip de do shonraí a iarraidh trí litir nó trí ríomhphost. Tagann sé seo faoi Alt 15 den Rialachán Ginearálta maidir le Cosaint Sonraí (RGCS).

Tá tú i dteideal na faisnéise seo a leanas:

  • an fáth a bhfuil próiseáil á déanamh ar do chuid sonraí pearsanta
  • na catagóirí sonraí atá á gcoinneáil againn fút
  • na dreamanna a bhfuil muid ag roinnt do shonraí leo
  • an áit óna bhfuair muid do chuid sonraí an chéad uair
  • an t-achar ama a choinneoidh muid é 
  • an chaoi a bhféadtar ceartúchán ar do chuid sonraí pearsanta a iarraidh
  • an chaoi a bhféadtar do chuid sonraí pearsanta a léirscriosadh
  • an bhfuil nó nach bhfuil cinntí uathoibríocha á ndéanamh i ndáil le do shonraí pearsanta
  • an bhfuil nó nach bhfuil próifíliú á dhéanamh againn ort bunaithe ar do chuid sonraí pearsanta
  • an chaoi a bhféadtar gearán a dhéanamh leis an gCoimisiún Cosanta Sonraí. 

Tá achoimre ar na sonraí uile in Sonraí pearsanta arna bpróiseáil ag na Coimisinéirí Ioncaim agus inár bPolasaí agus sceideal i leith taifid a choinneáil.

Ar aghaidh: Ceart chun sonraí pearsanta a cheartú

Foilsithe: 10 Iúil 2020 Priontáil an leathanach seo

Leathanach baile Ar ais go barr