Baile   Maoin  

An Tionscnamh Cathrach Beo (TCB)

  1. Léargas ginearálta
  2. Sainmhínithe i dtaca leis an TCB
  3. Sula dtosaíonn tú ar obair ar mhaoin chónaithe
  4. Tar éis duit obair a chríochnú ar mhaoin chónaithe
  5. Coinníollacha i leith éilimh agus úsáid na maoine
  6. Faoiseamh Úinéara–Áititheoir chónaithigh
  7. Faoiseamh cíosa cónaitheach agus faoiseamh cíosa tráchtálaFaoiseamh cíosa cónaitheach agus faoiseamh cíosa tráchtála
  8. Faoiseamh Úinéara–Áititheoir chónaithigh a éileamh

Léargas ginearálta

Is scéim dreasachta cánach é Tionscnamh na Cathrach Beo (TCB) le haghaidh Limistéir Speisialta Athnuachana (LSA) i gCorcaigh, Baile Átha Cliath, Gaillimh, Cill Chainnigh, Luimneach agus Port Láirge.

Féadtar faoiseamh cánach a éileamh le haghaidh airgead a chaitheann tú ar mhaoine cónaithe nó tráchtála a athchóiriú nó a chomhshó.

Tá trí chineál faoisimh ar fáil faoin TCB:

  • Faoiseamh Úinéara–Áititheoir Chónaithigh.
  • Faoiseamh Cónaitheachta Cíosa (tiarna talún).
  • Faoiseamh Tráchtála.

Tá coinníollacha éagsúla ag baint le faoiseamh a éileamh, ag brath ar cé acu an bhfuil maoin á hathchóiriú nó á comhshó, nó an chun críocha cónaithe nó tráchtála atá sé.

Tá an TCB á reáchtáil ó 5 Bealtaine 2015 i gcás an Fhaoisimh Úinéara–Áititheoir Chónaithigh agus an Fhaoisimh Thráchtála, agus ó 1 Eanáir 2017 i gcás an Fhaoisimh Chónaithe ar Cíos.

Tiocfaidh deireadh leis an scéim seo i gcás gach faoiseamh ar 4 Bealtaine 2020. Níl ach obair athchóirithe agus obair chomhshó a dhéantar le linn na tréimhse seo incháilithe don fhaoiseamh.

Tugtar míniú sa rannán seo ar an gcineál oibre atá incháilithe agus an chaoi lena n-éilítear an faoiseamh.

Ar aghaidh: Sainmhínithe i dtaca leis an TCB

Foilsithe: 19 Eanáir 2019 Priontáil an leathanach seo

Leathanach baile Ar ais go barr