Ceanaíonn tógálaí maoin thréigthe ar €75,000. Caitheann sé €25,000 ar athchóiriú (costas iomlán €100,000). Díoltar an mhaoin iomlán athchóirithe ar €150,000.
Chaith an tógálaí 25% dá chostais iomlána ar an athchóiriú. Tráth an díola, deireann sé leat céard é an céatadán seo. Cuirfear é seo i bhfeidhm ar an bpraghas díola agus mar thoradh air tá éileamh iomlán €37,500 (€150,000 x 25%) ann i leith an fhaoisimh.
Má úsáidtear an mhaoin den chéad uair, tar éis athchóirithe, mar do phríomháit chónaithe roimh an 1 Eanáir 2023, roinntear an faoiseamh go cothrom thar thréimhse deich mbliana. Is ionann sin agus asbhaint €3,750 in aghaidh na bliana.
Mura bhfuil tú in ann an faoiseamh iomlán 10% a éileamh in aon bhliain amháin, ní fhéadtar an faoiseamh neamhúsáidte a thabhairt ar aghaidh agus cailltear é.
Má úsáidtear an mhaoin den chéad uair, tar éis athfheistithe, mar do phríomháit chónaithe ar an 1 Eanáir 2023 nó dá éis, roinntear an faoiseamh thar thréimhse seacht mbliana. Féadtar 15% de na costais cháilitheacha a éileamh gach bliain don chéad sé bliana. Féadtar an 10% deiridh de na costais cháilitheacha a éileamh sa seachtú bliain. Is ionann sin agus asbhaint €5,625 in aghaidh na bliana don chéad sé bliana agus €3,750 sa seachtú bliain. Mura bhfuil tú in ann an faoiseamh iomlán a éileamh i mbliain amháin, féadtar é a thabhairt ar aghaidh agus é a éileamh i mbliain eile. Ní mór duit an faoiseamh a tugadh ar aghaidh a éileamh laistigh den tréimhse deich mbliana nó cailltear é.