An Tionscnamh Cathrach Beo (TCB)

Cad iad na faoisimh faoi Thionscnamh na Cathrach Beo (TCB)

Tá faoiseamh Thionsnamh na Cathrach Beo (TCB) bunaithe ar an costais dhíreacha a bhaineann le maoine cáilitheacha a athchóiriú nó a athfheistiú i Limistéir Speisialta Athnuachana (LSA). 

Féadtar faoiseamh a éileamh i leith costas na n-oibreacha a dhéanann tú ar mhaoin atá faoi d'úinéireacht. 

Má cheannaíonn tú maoin ó thógálaí atá athfheistithe nó nuachóirithe, féadtar faoiseamh a éileamh i leith cuid den phraghas ceannaigh. 

I gcás maoine cónaithe, ní mór don tógálaí Litir Dheimhnithe a thabhairt duit. 

Cineálacha Faoisimh TCB

Tá ceithre fhaoiseamh TCB ann atá oiriúnach do chásanna éagsúla:

1. Faoiseamh Úinéara–Áititheoir Chónaithigh 

Tá sé seo ann do dhaoine aonair a dhéanann foirgneamh a athfheistiú nó a athchóiriú chun cónaí ann mar a bpríomháit chónaithe. Ní mór don fhoirgneamh a bheith i LSA agus a bheith tógtha roimh 1975 (1915 suas go dtí 2026). Tá Litir Dheimhnithe ag teastáil. 

2. Faoiseamh Cónaitheachta Cíosa (Tiarna Talún) 

Tá sé seo ann do dhaoine aonair nó do chuideachtaí a dhéanann foirgneamh a athfheistiú nó a athchóiriú chun é a ligean ar cíos le duine a bheidh ina chónaí ann. Ní mór don fhoirgneamh a bheith i LSA agus a bheith tógtha roimh 1975 (1915 suas go dtí 2026). Ní raibh an faoiseamh seo ar fáil d'fhorbróirí maoine roimhe 2026. Tá Litir Dheimhnithe ag teastáil. 

3. Faoiseamh maidir le Cónaí os cionn an tSiopa 

Tá sé seo ag tosú in 2026. Tá sé seo ann do dhaoine aonair nó do chuideachtaí a dhéanann foirgneamh inrátaithe a athfheistiú nó a athchóiriú ina áit chónaithe chun é a ligean ar cíos le duine a bheidh ina chónaí ann. Ní mór don fhoirgneamh a bheith i LSA agus níl aon teorainn aoise ar an bhfoirgneamh. Tá Litir Dheimhnithe ag teastáil. 

4. Faoiseamh Tráchtála 

Tá sé seo ann do dhaoine aonair nó do chuideachtaí a dhéanann foirgneamh inrátaithe a athfheistiú nó a athchóiriú ina áitreabh miondíola nó chun seirbhísí a sholáthar in Éirinn. Féadfaidh siad an mhaoin a úsáid ina ngnó féin nó í a ligean ar cíos le gnólacht eile. Ní mór don fhoirgneamh a bheith i LSA agus níl aon teorainn aoise ar an maoin.  Ní raibh an faoiseamh seo ar fáil d'fhorbróirí maoine roimhe 2026.

Ar aghaidh: Faoiseamh Úinéara–Áititheoir Chónaithigh