Do thuairisceán Cánach Bronntanais nó oidhreachta a chomhlánú (IT38)

Cén chaoi le tíolacadh?

Chun tuairisceán Cáin Fáltas Caipitiúil (CFC) a thíolacadh ar líne, ní mór duit ar dtús clárú le haghaidh CFC leis na Coimisinéirí Ioncaim. Féadtar féin clárú le haghaidh CFC trí moChúrsaí ach na céimeanna seo a leanas a ghlacadh:

1. Lógáil isteach ar moChúrsaí.
2. Téigh chuig an bpainéal ‘Bainistigh Mo Thaifead’.
3. Roghnaigh ‘Clárúcháin Cánacha Gnó’.
4. Ar an scáileán clárúcháin feicfidh tú CFC mar rogha - roghnaigh 'Cláraigh' le haghaidh CFC.
5. Cláróidh an córas tú le haghaidh CFC ó dháta an chórais réamhshocraithe.

Má cuireadh deireadh le do chlárúchán le haghaidh CFC roimhe seo, tabharfar an rogha duit athchlárú. Déanfaidh an córas tú a athchlárú go huathoibríoch ón lá tar éis a cuireadh deireadh le do chlárú roimhe sin.

Chun do thuairisceán IT38 a thíolacadh bain úsáid as moChúrsaí nó Seirbhís ar Líne na gCoimisinéirí Ioncaim (ROS). Ríomhfaidh an dá cheann díobh an cháin duit bunaithe ar an bhfaisnéis a thugann tú.

Féadtar tuairisceán Foirm IT38 gearr simplithe a thíolacadh ar líne freisin. Ní féidir an fhoirm1T38 ghearr, leaganacha ar líne agus leaganacha páipéir araon, a úsáid ach amháin sna cásanna seo a leanas:

• mura bhfuil faoisimh, díolúintí nó creidmheasanna á n-éileamh agat, seachas an Díolúine i leith Bronntanais Bheaga
• mura bhfuil coinníollacha nó srianta ag baint leis an sochar a fuair tú
• agus
• más ó dhuine a fuarthas an mhaoin agus nach cuid de shochar níos mó atá sí.

I roinnt cásanna, má ainmnítear thú mar dhuine a fuair bronntanas nó oidhreacht, féadtar fógra a fháil ó na Coimisinéirí Ioncaim. Cuirfidh sé seo do chuid dualgais íoca agus tíolactha in iúl duit.

Murar gá duit tuairisceán Foirm IT38 a thíolacadh ag an am sin, ní mór duit na Coimisinéirí Ioncaim a chur ar an eolas i scríbhinn nó trí M’Fhiosruithe maidir leis an gcúis.

Féadtar an tuairisceán Foirm IT38 a thíolacadh agus an cháin a íoc roimh an spriocdháta chun formhuirear nó táillí úis a sheachaint.

Cén t-eolas a theastóidh uait?

Chun Foirm IT38 nó IT38S a thíolacadh ar líne, beidh an méid seo a leanas ag teastáil uait:

• ainm, seoladh agus Uimhir Phearsanta Seirbhíse Poiblí (UPSP) an diúscróra agus an tairbhí
• an gaol idir an diúscróir agus an tairbhí
• sonraí ar an mbronntanas nó ar an oidhreacht
• sonraí maidir le bronntanais nó oidhreachtaí roimhe a fuarthas ar an 5 Nollaig 1991 nó dá éis
• agus
• na dátaí cuí uile.

Tíolacadh a dhéanamh trí moChúrsaí

Nuair atá tú cláraithe, sínigh isteach ar moChúrsaí agus déan an méid seo a leanas:

1. Téigh chuig ‘Bronntanais & Oidhreachtaí’.
2. Roghnaigh ‘Tuairisceán IT38 CFC a Thíolacadh’.
3. Roghnaigh an tréimhse tíolactha cheart.
4. Líon isteach an fhaisnéis chuí.
5. Tíolaic an IT38 agus íoc an cháin ar líne.

Tíolacadh a dhéanamh trí ROS

Nuair atá tú cláraithe, sínigh isteach ar do chuntas ROS agus déan an méid seo a leanas:

1. Roghnaigh Cáin Fáltas Caipitiúil (CFC) ó na cánacha ar an liosta.
2. Roghnaigh an tréimhse tíolactha cheart.
3. Líon isteach an fhaisnéis chuí.
4. Tíolaic an IT38 agus íoc an cháin ar líne.

Má tá ROS a úsáid, molann muid go ndéanann tú an fhoirm IT38 a chomhlánú leis an Áis Ullmhaithe Tuairisceáin.

Ní shábhálann an leagan ar líne den fhoirm go dtí Obair ar Siúl agus d’fhéadfadh sé dul in éag roimh duit na sonraí uile a chur isteach. Nuair a bheidh an fhoirm seo comhlánaithe agat, féadtar é a uaslódáil agus aon cáin atá dlite a íoc.

Tabhair do d’aire

Mura bhfuil tú in ann clárú le haghaidh moChúrsaí nó ROS, déan teagmhail le Deasc Chabhrach Clárúcháin moChúrsaí nó le Deasc Chabhrach Theicniúil ROS.

Foirm páipéir a thíolacadh

Tá Foirm IT38S páipéir simplithe ar fáil freisin.

Má roghnaíonn tú foirm pháipéir a thíolacadh, ní mór duit an méid seo a leanas a dhéanamh:

• an cháin a ríomh
• an fhoirm chomhlánaithe a shíniú
• agus
• í a sheoladh ar ais agus íocaíocht in éineacht léi chuig oifig an Ard-Bhailitheora, an tArd-Bhailitheoir, Bosca Oifige Poist 354, Luimneach.

Comhlánaigh gach cuid den fhoirm ina hiomláine agus tabhair an fhaisnéis uile a iarrtar.

Ar aghaidh: Tíolaic sochair bhreise nó leasaigh tuairisceán tíolactha