Daoine scothaosta
Sócmhainní a dhiúscairt agus bronntanais agus oidhreacht a thabhairt
Cáin Gnóthachan Caipitiúil (CGC)
Príomháit Chónaithe Phríobháideach
Má dhíolann tú d’áit chónaithe, féadfaidh sé go bhfuil tú in ann an Faoiseamh i leith Príomháit Chónaithe Phríobháideach a éileamh. Ciallaíonn sé seo go bhfuil tú díolmhaithe ó chuid den CGC a íoc, nó ón CGC uile a íoc ar an díol.
Diúscairt gnó nó feirme
Féadfaidh sé go bhfuil tú i dteideal Faoiseamh Scoir a fháil ó CGC i leith díol nó aistriú sócmhainní. Ní mór duit a bheith idir 55 bliain d’aois agus 66 bliain d’aois. Ní mór go mbeadh na sócmhainní in úsáid ag an ngnó nó ag an trádáil.
Féadtar an faoiseamh seo a éileamh i leith scaireanna i do chomhlacht teaghlaigh a aistriú nó a dhíol. Ní mór na scaireanna sin a choinneáil ar feadh deich mbliana ar a laghad.
Féadtar Faoiseamh Scoir iomlán a éileamh i leith gnó nó feirm a dhiúscairt chuig do leanbh.
Cáin Bhronntanais agus Oidhreachta
Má thugann tú bronntanas nó oidhreacht do dhuine, féadfaidh sé go bhfuil orthu Cáin Bhronntanais nó Oidhreachta a íoc air.
Féadtar bronntanais agus oidhreachtaí saor ó cháin a thabhairt do do leanaí, do bhaill teaghlaigh agus do chairde suas go dtí teorainneacha nó tairseacha áirithe. Braitheann an tairseach infhaighte atá i bhfeidhm ar na nithe seo a leanas:
- do ghaol leis an duine a fhaigheann an bronntanas nó an oidhreacht
- agus
- cibé an bhfuair an duine aon bhronntanais nó oidhreachtaí eile faoin tairseach chéanna, ón 5 Nollaig 1991.
Féach an rannán Tairseacha, rátaí agus rialacha um chomhiomlánú don Cháin Fáltas Caipitiúil chun tuilleadh eolais a fháil maidir leis na tairseacha seo.
Tá Díolúine i leith Bronntanais Bheaga ar fáil freisin. Ciallaíonn sé seo gur féidir leat bronntanais saor ó cháin suas le €3,000 in aghaidh na bliana a thabhairt do bhaill teaghlaigh nó do chairde.
Tá bronntanais nó oidhreachtaí a thugann tú do chéile nó do pháirtnéir shibhialta díolmhaithe ó Cháin Bhronntanais agus Oidhreachta.
Féadfaidh sé go mbaineann díolúintí le hábhar, amhail díolúintí a bhaineann le sochair scoir nó le tithe cónaithe, ag brath ar na cúinsí.
I measc na bhfaoisimh a d'fhéadfadh bille cánach an duine a fhaigheann an bronntanas nó an oidhreacht a laghdú tá:
Díolúine do Theach Chónaithe
D'fhéadfadh feidhm a bheith leis an Díolúine do Theach Chónaithe má fhágann tú d’áit chónaithe ag tairbhí faoi théarmaí d'uachta.
Féadfaidh sé go mbaineann an díolúine le hábhar má bhronnann tú d’áit chónaithe do ghaol cleithiúnach.
Ar aghaidh: Cúram tí altranais