Cé ba chóir clárú le haghaidh CBL?
Céard iad na tairseacha CBL?
Tá sé éigeantach clárú le haghaidh Cáin Bhreisluacha (CBL) nuair a sháraíonn do láimhdeachas bliantiúil na tairseacha CBL. Má tá do láimhdeachas níos lú ná teorainn tairsí, féadtar roghnú clárú le haghaidh CBL.
Is iad seo a leanas na príomhthairseacha CBL:
- €42,500 i gcás daoine nach bhfuil ach ag soláthar seirbhísí amháin.
- €42,500 do dhaoine a sholáthraíonn earraí atá faoi dhliteanas de réir na rátaí laghdaithe nó rátaí caighdeánacha a mhonaraigh nó a tháirg siad as ábhair atá faoi réir ráta nialasach.
- €85,000 do dhaoine a sholáthraíonn earraí agus seirbhísí araon nuair a thagann 90% nó níos mó den láimhdeachas ó sholáthairtí earraí seachas earraí a dtagraítear dóibh thuas.
- €85,000 do dhaoine a soláthraíonn earraí.
Tá tairseacha eile ann a d'fhéadfadh a bheith i bhfeidhm maidir le hidirbhearta áirithe a éilíonn ort clárú le haghaidh CBL.
An chaoi a ndéantar do láimhdeachas bliantiúil a chinneadh
Chun do láimhdeachas bliantúil a ríomh, ní mór duit luach iomlán an mhéid seo a leanas (gan CBL san áireamh), i mbliain fhéilire a ríomh:
- Soláthairtí earraí agus seirbhísí inchánach.
- Soláthairtí earraí do-aistrithe.
- Idirbhearta áirithe airgeadais.
- Seirbhísí árachais agus athárachais.
Tá idirbhearta áirithe eisiata ón ríomh ar do láimhdeachas bliantúil. Is iad seo:
- Diúscairtí ó am go chéile ar do shocmhainní gnó amhail foirgnimh, feithiclí nó meaisíní.
- Aistrithe earraí chuig tír neamh-Aontais Eorpaigh (AE) gan soláthar a bheith ann.
- Soláthairtí trasteorann díolmhaithe a bhaineann le modhanna iompair nua a dhéantar ó Bhallstát amháin go Ballstát eile.
Sampla
Díolann Tom, trádálaí atá bunaithe in Éirinn, earraí ar luach €70,000 sa bhliain fhéilire 2025. In idirbheart aonuaire, díolann sé veain seachadta ar €20,000. Is é €90,000 iomlán na soláthairtí earraí ag Tom in 2025 anois. Mar sin féin, is díol teagmhasach ar a shócmhainní gnó é díol an veain. Cíallaíonn sé seo nach gcuirtear díol an veain san áireamh agus láimhdeachas bliantúil Tom á ríomh don Scéim FBM. Is é €70,000 a láimhdeachas bliantúil chun críocha na scéime.
Tá tuilleadh eolais maidir le clárú do CBL agus don Scéim FBM le fáil i Treoir bhreise.
Ar aghaidh: Tairseacha eile CBL