Cáin Éigeandála
Cén chaoi le cáin éigeandála a stopadh
Cuirfidh d’fhostóir rátaí Cánach Éigeandála i bhfeidhm ar do phá sa chás:
Má d’oibrigh tú in Éirinn roimhe seo, ní mór duit do UPSP a chur ar fáil do d’fhostóir. Mura bhfuil UPSP agat, déan teagmháil leis an An Roinn Coimirce Sóisialaí (RCS) chun ceann a fháil.
Nuair atá do UPSP ag d’fhostóir, féadfaidh siad Fógra Párolla na gCoimisinéirí Ioncaim (FPCI) a iarraidh. Léireofar air seo iomlán do chreidmheasanna cánach, do bhanda ráta cánach agus do bhanda ráta Muirear Sóisialta Uilíoch (MSU). Féadann d’fhostóir ansin na hasbhaintí cearta cánach a dhéanamh ó do phá agus thú a bhaint den Cháin Éigeandála. Más cuí, féadann d’fhostóir aon cháin nó MSU ró-asbhainte a aisíoc.
Leanfar ar aghaidh le cáin ar bhonn éigeandála a ghearradh ort go dtí go bhfaigheann d’fhostóir FPCI i do leith.
Cén chaoi le do phost a chlárú
Tabhair do d’aire
Is gá duit a bheith cláraithe le haghaidh moChúrsaí.
I bhformhór na gcásanna, déanfaidh d’fhostóir do phost a chlárú leis na Coimisinéirí Ioncaim. Féadtar do phoist chláraithe a sheiceáil ach úsáid a bhaint as 'Seirbhísí ÍMAT' in moChúrsaí.
Céard a chaithfear a dhéanamh más é seo do chéad phost
Ní mór do chéad phost a chlárú ar moChúrsaí. Féadtar é seo a dhéanamh trí chliceáil ar 'Cuir Post nó Pinsean', faoin gcluaisín 'Seirbhísí ÍMAT'. Is gá duit na sonraí seo a leanas a chur ar fáil dúinn:
- UPSP
- uimhir clárúcháin cánach d’fhostóra
- agus
- dáta tosaigh na fostaíochta.
Nuair a bheidh do phost cláraithe agat go rathúil, cuirfear FPCI ar fáil do d’fhostóir.
Céard a chaithfear a dhéanamh más é an dara phost (nó poist iomadúla) atá i gceist
Féadfaidh sé gur thosaigh tú ar dhara post, i dteannta do phost reatha. Más ea, ba chóir do d’fhostóir nua an post a chlárú leis na Coimisinéirí Ioncaim. Bain úsáid as moChúrsaí chun seiceáil an bhfuil do phoist ar fad cláraithe.
Féadtar moChúrsaí a úsáid freisin chun do chreidmheasanna cánach agus banda ráta a leithdháileadh idir do phost reatha agus do phost nua. Gheobhaidh d’fhostóir nua FPCI ansin ina dtugtar treoir dóibh i leith na n-asbhaintí cearta cánach atá le déanamh. Le haghaidh tuilleadh eolais, féach Creidmheasanna cánach agus bandaí ráta a roinnt idir poist.
Ar aghaidh: Cén chaoi le haisíocaíocht Cánach Éigeandála agus a fháil