CBL – Trádáil idir Éire agus An Bhreatain Mhór tar éis na hidirthréimhse
Easpórtáil chuig an mBreatain Mhór
Chun críocha Cánach Breisluacha (CBL), is easpórtálacha iad earraí a sheoltar go díreach chuig ceann scríbe taobh amuigh de limistéar CBL an Aontais Eorpaigh (AE). Folaíonn sé seo an Bhreatain Mhór anois.
Níl feidhm ag an tairseach ciandíolacháin a thuilleadh maidir le díolachán a dhéanann gnóthaí in Éirinn le tomhaltóirí sa Bhreatain Mhór.
Baineann an ráta nialasach CBL le heaspórtálacha. Féadtar teacht ar thuilleadh eolais in CBL agus easpórtálacha.
Ní mór duit a chinntiú gur fhág na hearraí an AE agus fianaise a bheith agat ar an easpórtáil.
Is gá duit gach easpórtáil a dhearbhú do na Coimisinéirí Ioncaim le dearbhú easpórtála custam. Tíolactar an dearbhú go leictreonach trí Chóras Easpórtála Uathoibríoch (AES) na gCoimisinéirí Ioncaim a úsáid.
Teastaíonn ceadúnais chun cineálacha áirithe earraí a easpórtáil ón AE. Féadfaidh sé go n-iarrfar ort a léiriú do na Coimisinéirí Ioncaim go bhfuil ceadúnas agat chun na hearraí a easpórtáil.