An Breatimeacht agus athruithe CBL

Impleachtaí CBL ar thrádáil leis an mBreatain Mhór tar éis na hidirthréimhse

Má dhéanann tú trádáil leis an Ríocht Aontaithe (seachas earraí a thrádáil le Tuaisceart Éireann), beidh feidhm ag na rialacha trádála le tír neamh-AE.

Tabhair do d’aire

Caithfear le Tuaisceart Éireann (TÉ) mar Bhallstát AE maidir le CBL ar earraí. Ní caitheadh le TÉ mar Bhallstát chun críche CBL ar sheirbhísí.

Ciallaíonn sé seo:

• Tá soláthairtí agus an ghluaiseacht earraí incháinithe idir Éire agus an Bhreatain Mhór faoi réir na rialacha Cánach Breisluacha (CBL) ar iompórtálacha agus easpórtálacha.
• Níl ort tuairisciú a dhéanamh a thuilleadh ar shonraí trádála leis an Ríocht Aontaithe (seachas Tuaisceart Éireann) ar an gCóras Intrastat nó ar an gCóras Malartaithe Faisnéise CBL (VIES).
• Níl ort tuairisciú a dhéanamh ar shonraí trádála le Tuaisceart Éireann ar an gCóras Intrastat nó ar an gCóras Malartaithe Faisnéise CBL (VIES).
• Níl simplúcháin atá aontaithe leis an AE, amhail triantánú, i bhfeidhm d’idirbhearta a bhaineann leis an Bhreatain Mhór a thuilleadh.

Tá sé tábhachtach go gcoinníonn tú suas le forbairtí sa reachtaíocht CBL sa Ríocht Aontaithe. D’fhéadfadh sé a bheith mar thoradh ar na forbairtí seo go mbeidh riachtanas ann clárú le haghaidh CBL sa Ríocht Aontaithe nó sonraí díolacháin a thuairisciú don HMRC..

Tá eolas faoi chlárú le haghaidh CBL ar fáil ar:

• Cé ba chóir clárú le haghaidh CBL?
• Cén chaoi a gcláraítear le haghaidh CBL?
• Trádálaithe neamhbhunaithe i mbun gnó in Éirinn.

Tabhair do d’aire

Ní theastaíonn uimhir CBL chun cur isteach ar uimhir Cláraithe agus Aitheanta Oibreoirí Eacnamaíocha (EORI).

Tá Cuntasaíocht iarchurtha ar fáil anois i leith CBL ar iompórtálacha do gach trádálaí atá cláraithe le haghaidh CBL. Féadfaidh na Coimisinéirí Ioncaim trádálaithe nach gcomhlíonann coinníollacha agus riachtanais áirithe a eisiamh ón scéim seo a úsáid. 

Bíonn idirbheart CBL-neodrach i gceist do thrádálaithe a iompórtálann earraí isteach go hÉirinn mar thoradh ar Chuntasaíocht iarchurtha  Ní gá do thrádálaithe CBL a íoc ag tráth na hiompórtála. Féadtar tuilleadh eolais a fháil in Cuntasaíocht iarchurtha.

Má tá tú ag easpórtáil go hÉirinn ó thríú tír, go ginearálta níl sé riachtanach a bheith cláraithe le haghaidh CBL in Éirinn.

Ar aghaidh: CBL ar sheirbhísí